Biz kimik

Osteopatiya Akademiyası Almaniyanın Osteopathie Schule Deutschland (OSD) məktəbinin proqramı üzrə Azərbaycanda osteopatiya təhsili verən tədris mərkəzidir.

Proqram OSD-nin Türkiyədəki kooperasiya tərəfdaşı Osteopathic College of Turkey (OCT) ilə birlikdə həyata keçirilir.

Dərsləri həm Almaniyadan dəvət olunan OSD müəllimləri, həm də Türkiyədən gələn müəllimlər keçir.

Akademiyaya Bakıdakı ELF Center (ELF Sağlamlıq Mərkəzi) ev sahibliyi edir. Dərslər mərkəzin Rəşid Behbudov küçəsi 112 ünvanındakı binasında keçirilir.

Tərəfdaşlarımız

Missiyamız

İlk gündən məqsədimiz osteopatiyanı sistemli, mərhələli şəkildə və dünya təcrübəsinə malik müəllimlərdən öyrətmək olub.

Biz dayaq-hərəkət sistemi, daxili orqanlar və kranial sistem arasındakı əlaqələri klinik praktikada birləşdirə bilən, düşünən, təhlil edən və məsuliyyət daşıyan mütəxəssislər yetişdirməyə çalışırıq.

Osteopatiya bir neçə texnikanı öyrənmək deyil, bədəni bütöv bir sistem kimi görməyi öyrənməkdir. Buna görə proqramımızda texnikalarla yanaşı anatomiya, klinik düşüncə, differensial diaqnostika və peşə etikası da mühüm yer tutur.

Dəyərlərimiz

Bizi nə birləşdirir?

Sistemli təhsil

4 illik, 40 modullu proqram mövzuları əsaslardan inteqrasiyaya doğru ardıcıl şəkildə öyrədir.

Nəzəriyyə və praktikanın vəhdəti

Hər mövzu nəzəri izah, müəllimin nümayişi və tələbələrin nəzarət altında praktikası ilə öyrənilir.

Təhlükəsizlik və məsuliyyət

Osteopatik yanaşmaya uyğun olmayan halları tanımaq və xəstəni vaxtında həkimə yönləndirmək tədrisin ayrılmaz hissəsidir.

Elmi dürüstlük

Osteopatiyanın imkanları ilə yanaşı, onun elmi sübutlarının hüdudları da açıq müzakirə olunur.

Müəllif hüquqlarına hörmət

Tədris materialları yalnız tələbələrimiz üçündür.

Birlik

Tələbələrimiz bir-birinin üzərində məşq edir, bir-birindən öyrənir. İlk iki ildə yalnız osteopatiyanı öyrənmədik, həm də böyük bir ailəyə çevrildik.

Tarixçə

Akademiyanın yolu

2014Akademiyanın təsisçi tərəfdaşı Dr. Elfanə Süleymanova Sankt-Peterburq Osteopatiya İnstitutunda osteopatiya təhsilinə başlayır.
2021Bakıda, Rəşid Behbudov küçəsində ELF Center fəaliyyətə başlayır.
Noyabr–dekabr 2024Osteopatiya ilə maraqlananlar üçün ödənişsiz tanışlıq vebinarları keçirilir.
6–8 dekabr 2024Birinci qrupun ilk modulu: Beate Siemers ilə “Fassiya 1”.
22–24 avqust 2025Birinci tədris ilinin yekun modulu və illik imtahan. Tələbələr ikinci kursa keçir.
25–26 oktyabr 2025İkinci tədris ili başlayır: Hasan Genç ilə “Yuxarı ətraf”.
İyul 2026İkinci tədris ilinin yekun imtahanı. Tələbələr üçüncü kursa keçir.
19 sentyabr 2026Üçüncü tədris ili İrfan Abdurrahman ilə “Boyun nahiyəsinin osteopatiyası 2” modulu ilə başlayır. Həmin gün Açıq Qapı Günü keçirilir.
2026Yeni osteopatik manual terapiya qrupu üçün qeydiyyat açılır.

Azərbaycandakı komanda

Bakıda bizi kim təmsil edir?

Akademiyanın Azərbaycandakı təsisçi tərəfdaşı və ev sahibi ELF Sağlamlıq Mərkəzinin direktoru, terapevt-osteopat Dr. Elfanə Süleymanovadır. Praktik məşğələlərdə tələbələrə Azərbaycandakı müəllim-assistentlər dəstək olur.