Modul kitabçası
Hər modulun mövzusu kitabça şəklində çap olunur və modulun əvvəlində hər tələbəyə verilir.
Tədris prosesi
Akademiyada necə öyrədirik?
Osteopatiya kitabdan və ya videodan öyrənilə bilən bir texnikalar toplusu deyil. Bu, anatomiya biliyini, klinik düşüncəni və əllərin həssaslığını birləşdirən peşədir. Tədris sistemimiz bu üç komponentin mərhələ-mərhələ inkişafı üzərində qurulub.
Modul sistemi
Ayda bir dəfə, həftə sonu
- 10modul hər tədris ilində
- 2–3 günnəzəri və praktik dərs hər ay
- 2 günTürkiyədən gələn müəllimlərin dərsləri, adətən şənbə–bazar
- 3 gündigər ölkələrdən gələn müəllimlərin dərsləri, cümə–şənbə–bazar
- Həftə sonutələbələr işlərini dayandırmadan təhsil ala bilirlər
Hər ay xaricdən dəvət olunan müəllim Bakıya gəlir və 2 və ya 3 günlük nəzəri və praktik dərs keçir.
Dərs günü
Dərs günü necə keçir?
- Qeydiyyat: iştirak vərəqəsinin imzalanması, modul kitabçasının təqdim olunması
- Dərs
- Nahar fasiləsi
- Dərs
Gün ərzində qısa fasilələr müəllimin iş rejiminə uyğun təşkil olunur.
Dərsin formatı
İzah → nümayiş → praktika
Hər mövzu üç mərhələdə öyrənilir.
Nəzəri izah
Anatomiya, fiziologiya, biomexanika və mövzunun klinik əhəmiyyəti.
Praktik nümayiş
Müəllim texnikanı iştirakçının üzərində göstərir.
Praktik iş
Tələbələr cütlərlə, bir-birinin üzərində, müəllimin nəzarəti altında məşq edirlər. Müəllim əllərin mövqeyini, təzyiqi və istiqaməti fərdi qaydada düzəldir.
Tədris materialları
Kitabça, video arxiv və müəllif hüquqları
Video arxiv
Dərsdə keçirilən mövzular akademiya tərəfindən videoya yazılır və yalnız həmin qrupun tələbələri üçün yaradılmış qapalı Telegram qrupunda yerləşdirilir. Hər modulun (ayın) ayrıca Telegram qrupu olur.
Müəllif hüquqları
Kitabçalar və video yazılar müəllif hüquqları ilə qorunur.
Modullar arasında
Praktika
Tələbələr hər moduldan sonra növbəti modula qədər öyrəndiklərini praktikada möhkəmləndirirlər. Bu dövrdə akademiyanın Azərbaycandakı müəllim-assistentlərinin nəzarəti ilə praktik məşğələlər keçirilir.
Zoom
Onlayn dərslər
Əyani modullardan əlavə, akademiyada Zoom vasitəsilə onlayn dərslər də keçirilir:
- yeni mövzulardan əvvəl hazırlıq dərsləri;
- tələbələr üçün mövzu üzrə onlayn mühazirələr;
- maraqlananlar üçün ödənişsiz tanışlıq vebinarları (bax: Tədbirlər).
Qiymətləndirmə
Qiymətləndirmə və imtahanlar
- Hər tədris ilinin sonunda imtahan keçirilir. Hər ilin sonuncu, 10-cu modulu inteqrasiya və imtahan moduludur.
- İmtahandan uğurla keçən tələbə növbəti kursa keçir.
- 1-ci, 2-ci və 3-cü ilin sonunda illik imtahanlar keçirilir. 4-cü ilin sonunda buraxılış imtahanı verilir.
OSD-nin yekun imtahan sertifikatı nümunəsində yekun imtahanın üç komponenti göstərilir:
- yazılı imtahan;
- praktik/şifahi imtahan;
- differensial diaqnostika imtahanı.
Dərsə hazırlıq
Nə geyinməli, nə gətirməli?
Praktik məşğələlərin səmərəli və təhlükəsiz keçməsi üçün:
- dərsə rahat, idman kostyumu tipli geyimdə gəlin;
- bel və aşağı ətraf mövzuları üçün şort gətirin;
- saçı uzun olanlar saçbağı (rezin) götürsün;
- bütün praktik məşğələlərdə fəal iştirak edin — dərslər təkcə müşahidə üçün deyil, məşq üçündür.
Təhlükəsizlik və peşə etikası
- Tələbə praktik məşğələlərdə tapşırıqların düzgün yerinə yetirilməsinə görə məsuliyyət daşıyır.
- Texnikalar yalnız proqram çərçivəsində və müəllimin göstərişlərinə uyğun məşq edilir. Proqramdan kənar tətbiqlərə icazə verilmir. Proqramdan kənar tətbiqlər nəticəsində yaranan problemlərə görə məsuliyyət tələbənin öz üzərinə düşür.
- Kursda iştirak edən tələbə bu qaydaları qəbul etmiş sayılır.
- Osteopatik texnikalar yalnız müvafiq təhsil almış mütəxəssislər tərəfindən, həkim diaqnozu və təhlükəsizlik meyarları nəzərə alınmaqla tətbiq edilməlidir.